ഉത്തരാഖണ്ഡില് മേഘവിസ്ഫോടനത്തിലും മിന്നല് പ്രളയത്തിലും കാണാതായവര്ക്ക് വേണ്ടിയുള്ള തിരച്ചില് തുടരുന്നു. മണ്ണിനടിയില് കുടുങ്ങിയവരെ കണ്ടെത്താന് കെടാവര് നായകളെ എത്തിക്കാനാണ് നീക്കം. 60 ലധികം പേര് അവശിഷ്ടങ്ങള്ക്കിടയില് കുടുങ്ങിയതായാണ് നിഗമനം.
കാലാവസ്ഥ മോശമായതും ദുരന്ത ബാധിത പ്രദേശത്തേക്ക് എത്തിപ്പെടുന്നതിലെ ബുദ്ധിമുട്ടും രക്ഷാപ്രവര്ത്തനത്തിന് വലിയ തടസ്സമാണ്. മലയാളികളായ 28 പേര് സ്ഥലത്ത് കുടുങ്ങിയിട്ടുണ്ട്. ഇവരെ എയര് ലിഫ്റ്റ് ചെയ്യാനുള്ള ശ്രമം നടത്തും. 28 പേരും ഗംഗോത്രിയിലെ ക്യാമ്പിലാണ്. ഉത്തരകാശിയിലെ 12 ഗ്രാമങ്ങളാണ് നിലവില് ഒറ്റപ്പെട്ടിരിക്കുന്നത്. കൂടുതല് രക്ഷാപ്രവര്ത്തകരെ വ്യോമമാര്ഗം ഇവിടേക്ക് എത്തിക്കാന് ശ്രമത്തിലാണ് സര്ക്കാര്. ഉത്തരകാശിയില് നിന്നും ഗംഗോത്രിയിലേക്കുള്ള ദേശീയപാത പലയിടത്തും തകര്ന്നിരിക്കുകയാണ്. ധരാലി ഗ്രാമത്തില് കെട്ടിടങ്ങള് അടക്കം മണ്ണിടിഞ്ഞ് മൂടിയിരിക്കുകയാണ്.
