കേന്ദ്രമന്ത്രി സുരേഷ് ഗോപിയുടെ സഹോദരന് സുഭാഷ് ഗോപിക്കും ഇരട്ടവോട്ട്. കൊല്ലം, തൃശ്ശൂര് ലോക്സഭ മണ്ഡലങ്ങളിലാണ് സുഭാഷ് ഗോപിക്കും ഇദ്ദേഹത്തിന്റെ ഭാര്യ റാണി സുഭാഷിനും വോട്ടുള്ളത്.
കുടുംബവീടായ ലക്ഷ്മിനിവാസ് എന്ന വിലാസത്തിലാണ് കൊല്ലത്തെ വോട്ടര്പട്ടികയില് ഇരുവരുടെയും പേരുകളുള്ളത്. കൊല്ലം ലോക്സഭ മണ്ഡലത്തില് ഇരവിപുരം നിയോജകമണ്ഡലത്തിലെ 84-ാം നമ്പര് ബൂത്തിലെ വോട്ടര്പട്ടികയിലാണ് ഇരുവരും ഇടംപിടിച്ചത്. വോട്ടര്പട്ടികയില് 1116-ാമത്തെ ക്രമനമ്പറിലാണ് സുഭാഷിന്റെ പേരുള്ളത്. അതേസമയം, കഴിഞ്ഞ ലോക്സഭ തിരഞ്ഞെടുപ്പില് സുഭാഷ്ഗോപിക്കും ഭാര്യയ്ക്കും തൃശ്ശൂരിലും വോട്ടുണ്ടായിരുന്നു.
അതേസമയം, തൃശ്ശൂരിലെ വോട്ടര്പട്ടിക ക്രമക്കേട് സംബന്ധിച്ച് വ്യാപക പരാതി ഉയരുന്നതിനിടെ എംപിയായ സുരേഷ് ഗോപി ഇതുവരെ വിഷയത്തില് പ്രതികരിച്ചിട്ടില്ല.
