ഇന്ത്യന് ഉത്പന്നങ്ങള്ക്ക് 50 ശതമാനം തീരുവ പ്രഖ്യാപിച്ച യുഎസ് പ്രസിഡന്റ് ഡൊണാള്ഡ് ട്രംപിന് മറുപടി നല്കി പ്രധാനമന്ത്രി നരേന്ദ്ര മോദി. രാജ്യതാത്പര്യത്തിന് ഇന്ത്യ മുന്ഗണന നല്കുമെന്ന് വ്യക്തമാക്കിയ പ്രധാനമന്ത്രി, കര്ഷകരുടെയും മത്സ്യത്തൊഴിലാളികളടക്കമുള്ളവരുടെയും താത്പര്യങ്ങളില് ഇന്ത്യ ഒരിക്കലും വിട്ടുവീഴ്ച ചെയ്യില്ലെന്നും അറിയിച്ചു. അതിനായി എന്തുവില കൊടുക്കാനും തയ്യാറാണെന്നും മോദി പറഞ്ഞു.
റഷ്യയില്നിന്ന് എണ്ണ വാങ്ങി യുക്രൈന് യുദ്ധത്തിന് സഹായധനം നല്കുകയാണെന്നാരോപിച്ച് ഇന്ത്യയ്ക്ക് 25 ശതമാനം അധികത്തീരുവ ഈടാക്കുന്ന എക്സിക്യുട്ടീവ് ഉത്തരവില് ഡൊണാള്ഡ് ട്രംപ് ബുധനാഴ്ച ഒപ്പിട്ടിരുന്നു.
പകരച്ചുങ്കം വ്യാഴാഴ്ചയും അധികതീരുവ 21 ദിവസത്തിനകവും പ്രാബല്യത്തില്വരും. റഷ്യന് എണ്ണയുടെ കാര്യത്തില് സമവായമുണ്ടാക്കുന്നതിനു വേണ്ടിയാണ് 21 ദിവസത്തെ സമയം നൽകിയിരിക്കുന്നത്.
