പത്തനംതിട്ട: കുന്ദംകുളം പൊലീസ് സ്റ്റേഷനില് യൂത്ത് കോണ്ഗ്രസ് നേതാവിനെ പൊലീസ് അതിക്രൂരമായി മര്ദിച്ച സംഭവത്തില് പ്രതികരണവുമായി രാഹുല് മാങ്കൂട്ടത്തില് എംഎല്എ. സുജിത്തിനെ മര്ദിച്ച് അവശനാക്കിയ ശേഷം കള്ളക്കേസില് കുടുക്കാന് ശ്രമിച്ചെന്ന് രാഹുല് ആരോപിച്ചു. നീണ്ട രണ്ടുവര്ഷത്തെ നിയമ പോരാട്ടത്തിന്റെ ഭാഗമായാണ് ഈ ദൃശ്യങ്ങള് പുറത്തുവന്നതെന്നും രാഹുല് വ്യക്തമാക്കി. ഫേസ്ബുക്കിലാണ് രാഹുലിന്റെ പ്രതിരണം,
രാഹുല് മാങ്കൂട്ടത്തിലിന്റെ ഫെയ്സ്ബുക് പോസ്റ്റിന്റെ പൂര്ണരൂപം
പ്രസ്ഥാനത്തിനും ഈ നാടിനും വേണ്ടി നിരവധി യൂത്ത് കോണ്ഗ്രസുകാരാണ് ഇക്കാലയളവില് പൊലീസിന്റെ ക്രൂര മര്ദ്ദനങ്ങള്ക്കു ഇരയായത്. അതിലെ ഏറ്റവും ക്രൂരമായ അനുഭവമാണ് ചൊവ്വന്നൂര് മണ്ഡലം പ്രസിഡന്റ് സുജിത്ത് നേരിടേണ്ടി വന്നത്. സുജിത്തിനെ മര്ദിച്ച് അവശനാക്കിയ ശേഷം കള്ളക്കേസില് കുടുക്കാനും ശ്രമിച്ചു. നീണ്ട രണ്ട് വര്ഷത്തെ പോരാട്ടത്തിന്റെ ഭാഗമായാണ് ഈ ദൃശ്യങ്ങള് പുറത്തുവന്നത്…..
സുജിത്തിന്റെ പോരാട്ടത്തിന് ഈ നാട് പിന്തുണ കൊടുക്കും..
