ജമ്മുകശ്മീരിലെ കുല്ഗാമില് ഭീകരവാദികളുമായുണ്ടായ ഏറ്റുമുട്ടലില് രണ്ട് സൈനികര്ക്ക് വീരമൃത്യു വരിച്ചു. ശനിയാഴ്ച ഓപ്പറേഷന് അഖാലിന്റെ ഭാഗമായുണ്ടായ ഏറ്റുമുട്ടലിലാണ് ലാന്സ് നായിക് പ്രിതിപാല് സിങ്, ശിപായി ഹര്മിന്ദര് സിങ് എന്നിവർ വീരമൃത്യുവരിച്ചത്. ഇരുവരുടെയും ഉന്നതമായ ത്യാഗത്തിനും ധീരതയും അര്പ്പണബോധവും എന്നെന്നും പ്രചോദനമായി തുടരുമെന്ന് ചിനാര് കോര്പ്സ് അറിയിച്ചു.
അഗാധമായ ദുഖം രേഖപ്പെടുത്തുന്നെന്നും, കുടുംബത്തോടൊപ്പം നില്ക്കുമെന്നും ദൗത്യം തുടരും സൈന്യം എക്സില് ട്വീറ്റ് ചെയ്തു. ഏറ്റുമുട്ടലില് രണ്ട് സൈനികര്ക്ക് പരിക്കേറ്റിട്ടുമുണ്ട്. കഴിഞ്ഞ ഒമ്പത് ദിവസമായി മേഖലയില് ഒളിച്ചിരിക്കുന്ന ഭീകരവാദികള്ക്കെതിരായ ഓപ്പറേഷന് അഖാല് തുടരുകയാണ്. ഇതുവരെ 10 സൈനികര്ക്ക് പരിക്കേറ്റിട്ടുണ്ട്.
