തിരുവനന്തപുരം: കോണ്ഗ്രസിന്റെ നേതാക്കളെ വഴിയില് വാഹനം തടഞ്ഞ് ആക്രമിക്കാം എന്ന് സിപിഎമ്മിന്റെ ഗുണ്ടകള് കരുതുന്നുണ്ടെങ്കില് കയ്യുംകെട്ടി നോക്കിയിരിക്കില്ലെന്ന് കോണ്ഗ്രസ് നേതാവ് രമേശ് ചെന്നിത്തല. ഗുണ്ടായിസം കാട്ടി ഭയപ്പെടുത്താമെന്ന് ആരും കരുതണ്ട. കോണ്ഗ്രസിന്റെ ജനപ്രതിനിധികളെ ഭീഷണിപ്പെടുത്താമെന്നും കരുതണ്ട. തെരുവ് യുദ്ധം ആരംഭിക്കാന് ശ്രമിച്ചാല് കനത്ത വില കൊടുക്കേണ്ടി വരുമെന്നും ചെന്നിത്തല വ്യക്തമാക്കി.
ഡിവൈഎഫ്ഐ പ്രവര്ത്തകര് ഷാഫി പറമ്പില് എംപിയുടെ വാഹനം തടഞ്ഞ സംഭവത്തെ അപലപിക്കുകയായിരുന്നു അദ്ദേഹം. കോണ്ഗ്രസ് അക്രമ രാഷ്ട്രീയത്തിന് എതിരാണ്. പക്ഷേ അത് ദൗര്ബല്യമായി ആരും കാണണ്ട. അടിച്ചാല് തിരിച്ചടിക്കാന് ശേഷിയുള്ളവര് തന്നെയാണ് ഞങ്ങള്. സിപിഐഎമ്മിന്റെ ഗുണ്ടാ സംഘത്തെ നിലയ്ക്ക് നിര്ത്താന് പാര്ട്ടി അടിയന്തര നടപടികള് എടുക്കണമെന്നും രമേശ് ചെന്നിത്തല പറഞ്ഞു.
